Pampapalipas Oras.

Limang oras na tulog. Mula sa paggiging night person, naging morning person na ako.

Dati madaling araw ang tulog ko. Ngayon, madaling araw na akong gumigising.

Tapos dati cummulatively15 hours ang tulog ko, kasama na yung mga sandaling nakakatulog ako sa kalagitnaan ng klase, na dahilan kung bakit naging paborito ako ng mga tao sa CPT faculty. Minsan din dati may mga linggo na hindi ako nakakatulog kahit anong pilit ko. Ngayon 5 hours na lang, tsk. Tapos di na ako nakakatulog sa kalagitnaan ng lecture. Gusto kong bumalik sa pagtulog. Bumabalik ako sa pagkakahiga kaso hindi naman ako inaantok. Kesa sayangin ko yung oras sa paghihintay nang pagbabalik muli ng tulog ko, sa ibang bagay ko na labng sasayangin ang oras ko.

Yung tungkol sa mahabang tulog, tingin ko, gaya na din ng sabi ng iba, may problema ako sa utak, at bahagya sa pag-iisip. May melatonin hormonal imbalance yata ako.

Inconsistent ang behavior ko. Parang manic-depressive ang pattern ko. Di ko lang alam kung may nakakapansin nito. Typically kasi tahimik lang talaga akong tao, pero minsan sobrang ingay ko. May malalim na dahilan kung bakit tahimik ako, at parang walang gana na mabuhay sa mundo. Wala akong suicidal tendencies, ibang bagay iyon. I just live without the sense of living.

Sana maintindihan niyo kung papaano ako nakapag-isip. Sa church namin, ang pagkakakilala sa buong angkan na pinanggalingan ko ay lahat ng tao dito ay matalino at palaban, hindi marunong magpatalo. Sa bawat generation may mga over-achiever talaga. May nag-top sa boards, muntikang mag-top sa boards, Summa Cum Laude ng UP, at elementary valedictorian (hindi ako magpapatalo may award din ako kahit papaano over-achiever pa talaga gusto ko ihanay :P)

Masyado akong seryoso. Hindi biro yung expectations na naramdaman ko na nagsilbing matinding psychological torture sa akin. Ni minsan hindi ako naging masaya sa pag-aaral. Ngayon lang ako talaga naging masaya kasi hindi na ako masyadong seryoso.

Takot akong bumagsak sa school ngayon. Totoo, alam kong matalino ako, kahit anong IQ test ang i-take ko above average ang nakukuha ko, tipong 115-125 (constant lang daw kasi ang IQ interpretation, di nagbabago), kaso hindi ako pasado sa standards ng college. Dinadaan ko na lang sa paggawa ng kung ano-anong trip sa buhay ang takot ko.

Naiiyak ako ngayon. Umiiyak na ako. Wahaha. Kasi kasama sa mga bagay na kinatatakutan ko ay magkkwento ako na naging elementary valedictorian ako, na may nakuha din akong silver at gold medals kahit papaano. Anyway, wala na namang ebidensya na may medals ako kasi hindi ko alam kung saan na nakalagay ang mga iyon. Sa itsura ko naman kung magkkwento ako hindi naman siya kapanipaniwala.

Madami na akong wasted oppurtuinities dahil sa hindi matalinong paggamit ng potentials ko. Madami sana akong bagay na maipagmamalaki sa buong mundo, kaso hindi ko nakuha.

Pero at least "hindi ako sayang".

Masaya na ako sa status ko sa school ko ngayon.

Nung prelims majority ng subject lowest yata ako. Ngayong midterms, I believe substantial yung effort at improvements ko, kaso sadyang mataas ang target grade ko. Hindi kasi ako nag-aaral. Hindi ako nag-eexercise ng brain cells. Inamin ko naman na nasa akin yung problema.

Tama na itong pagkkwento ng buhay ko nalulungkot lang ako.

Studying^Devotional Prayers + Blessings - Sins = Success

Mali yata yung equation ko. Anyway malapit naman ito sa original.

Yung studying^prayers, studying yung base, at prayers yung exponent. Kapag one lang yung base, kahit umabot hanggang 50 yung exponent, one pa din ang makukuha mo (1^50=1)

Pero kung kaya mong pataasin yung base, kahit na 3 lang yung exponent mo,mataas ang result na makukuha mo (5^3=125, 8^3=512, 10^3= 1000)

Ayoko ng baguhin yung variable ng exponent ko. Sa variable ako ng base (studies) magfofocus para mapataas ko ito. Di hamak na mas mataas ang result kapag sa base ka nagfocus. Work of hands. Fruits. Labor. Ayun. Yung multiplication ng fruits, hindi naman tao ang gumagawa. Fruits lang kayang i-produce ng tao.

One hour na akong nagcocomputer. Nagkwento lang ako. Ang galing2x ko talaga. :P