Prinsipe Ko. :D

Fantasy Mode On. Haha.

Naniniwala ako na lahat ng babae ay may standards, kahit na sabihin mong mukhang !@#$ yung boyfriend niya, o kaya naman ay wala syang taste sa pagpili.

Ito ang punto ko, kasi sa buhay ng bawat babae, panigurado na may mga kinaayawan siyang ugali o itsura, o maari ring sadyang hindi niya lang gusto kasi wala naman siya ng mga katangiang hinahanap niya, na nagiging dahilan ng pagreject niya sa isang lalaki. Yung mga simpleng ayoko at gusto ko ng ganitong statements, katunayan na yun na may standard syang sinusunod.
====================================================================
Ngayon, pawala na yung nararamdaman kong kabaliwan para sa taong itinatangi ko. Mainam na yung ganito. Pero hindi mawawala sa mga alaala ko na minsan sa buhay ko ay nagsilbi siyang inspirasyon ko, at siya ang nagturo sa akin na kung pipili ako ng lalaking magugustuhan ko, galingan ko naman sa pagpili.

Bati tayo kung mababasa mo ito. Yung mga linyang nabaliw ako sa iyo, totoo iyun, hindi ko nga lang nagawang sabihin sa iyo nung peak ng mga panahong nararamdaman ko iyun, kasi natatakot ako na may mabago sa pagkakaibigan natin. At least, kung naramdaman mo man, walang formal statement galing sa akin na maglilinaw ng mga naramdaman ko tungkol sa iyo.

Pero yung piyesang gusto kong pag-aralang tugtugin para sa iyo, yung "Shooting Star" ng Naruto, nalulungkot akong sabihin na hindi ko siya mapag-aaralang tugtugin ngayon kasi tambak ang mga piyesa sa church na kailangan kong pag-aralan. Priority ko ang mga iyon. Hayaan mo, sa birthday mo, matutugtog ko na iyun. Popost ko na lang sa FB yung video. Sana nga lang mapanood mo kasi para sa iyo yun. Ikaw kasi ang shooting star ng buhay ko. :D
===================================================================
Sabi sa akin, hindi daw totoo ang fairy tales.

Pero matigas ang ulo ko. Hanggang ngayon naniniwala akong totoo ang mga kwentong iyon. Naniniwala akong may prinsipeng inilaan para sa akin.

Gusto ko ng maganda at masayang simula, at ng maganda at masayang kwento.
===================================================================
Ito ang mga standards ko. Haha.

Una, dapat siya ang unang maniniwala na ako ang itinadhana para sa kanya. Hindi ako ang unang lalapit sa lalaki, kasi ayokong magmukhang agresibo, at ayoko ng ganoong approach.

Pangalawa, hindi siya magiging dahilan ng ikapapahamak ko. Mahal ko ang mga karapatan ko bilang anak ng mga magulang ko, apo ng mga lolo at lola ko, at bilang isang Kristyano.

Pangatlo, at ang pinakaimportante sa lahat, kailangan mahalin niya ang buong pagkatao ko. Lahat ng maganda, lalo na iyong mga pangit sa akin. Hindi ako perpektong tao. Kung susuko lang siya sa ugali ko, huwag na lang. Hindi ko kailangan ng mahinang tao sa buhay ko. Saka kung magagawa niyang mahalin yung mga pangit sa akin, panigurado, matutulungan niya ako, kahit na hindi mabago, ay mapagbuti ang mga iyon.

Pang-apat, kailangan pasado siya sa standards ng mga magulang ko. Kung hindi siya pasado, hindi ko makukuha ang basbas nila. Haha.

Wala na akong maisip. Hindi na ako nagsulat ng tungkol sa ugali. Hahaba lang kasi ito.

Saka tingin ko malaman na yung pangatlo na sinulat ko. Iyun na ang pinaka-summary. Weeeh.