Wooing An Scorpion. :D

Ganito ba kahirap mangumbinsi ng isang Scorpion? Well. Haha.

I-bobold ko yung mga sa tingin ko ay totoo.

Know her first: She has a certain aura around her. She is mysterious, magnetic and has a hidden strength of her own. She is an intoxicating blend of feminine qualities, which are obvious, and masculine qualities, which are hidden. She has a very strong personality, which leaves an imprint on whoever comes in contact with her. She has strong likes and dislikes. God save those who give her a reason to dislike them. She is proud and resilient, but she never forgives or forgets. Any injustice done to her will meet with the most venomous retribution.

How to woo her: It's not easy. Most men would run a hundred miles if they got a taste of her strong passions and vehement repulsions. She is strong, confident and capable. She cannot stand wishy-washy, whining men who cannot make up their mind or take decisions. A man has to have a strong, commanding personality. He has to have judgment and understanding. What matters most to her is trust and commitment, which she will return in double measure.

Take her on mountaineering expeditions or make a trip to organic farms and vineyards. You might also want to go to a meditation resort and spend a peaceful time together. (I super love outdoors. Nature makes me feel hyper.)

Compatible Signs: She will get along with her counterparts (Cancer, Pisces, Scorpio) and with Earth signs (Taurus, Capricorn and Virgo).

Kahit naman nasa compatible signs ko inaaway ko e. Haha.

Kailangan ko ng Time Management Skills. Grrrr.

Mas mainam kung ttratuhin ko na lang na panata ang mga bagay na kailangan kong gawin. Kasi kung hindi ko din naman iisipin na panata ko sila, tingin ko hindi rin ako magiging matagumpay na matapos ang mga iyon sa deadline nila.

Kaya ko ito! Weeeh!

DISIPLINA. haisst. Ito ang susi.

Summer's Halfway.

Dahil sa nagkaroon ako ng bagsak sa classcard, hindi ako nagkaroon ng pagkakataon na masunod ang original plans ko.
====================================================================
Nakakaloka akong gumawa. Kung masisilipan ng kapintasan ang isang bagay, magrereklamo ako, pero hindi naman ako gagawa. Saka kapag sinabi kong wala akong interes, hindi ako gagawa. Ugaling tamad nga naman.
====================================================================
Ito yung original plan (kung hindi ako bagsak):
1. Mag-ggym ako
2. Mag-aalaga ako ng lovebirds
3. Mag-aaral ako ng OIAI Muscle.
4. Magtuturo sa Summer Kinder Class.
5. Magppiano Lessons ako sa church.
6. Magpapatahi ng PT uniform.

Ito yung second modified plan (nung nalaman kong bagsak ako at malabong magkaron ng summer class)
1. Magtuturo na lang ako sa Summer Kinder Class.
2. MagLLOA ako pagdating ng first semester, at habang nakaLOA ay mag-aaral ako ng culinary arts.
3. Babalik ako sa school pagdating second semester, pero Physics lang ang itetake ko (yung bagsak ko). Habang ako ay nagtetake ng advance lessons sa culinary arts.
4. Magppiano lessons ako sa church.

Ito yung third, at hopefully, ang final modified plan (nung nalaman kong naaprubahan yung petition namin for opening of Physics Summer Class. Nakakaloka ang school, apprubahan din pala pinagod pa kami kakalakad ng papers. Dumating pa sa puntong parang paasahin kami sa wala, haha. ^_^V)
1. MWF nasa PLM ako para sa Physics. TTh magtuturo naman ako a Summer Kinder Class
2. Magcocncentrate ako sa Piano Lessons ko. Aprubado na kasi yung salaysay ko ng pastor kaya tuloy ang pag-aaral tumugtog. Nakakabaliw kaya pumunta ng Piano Class ng hindi ka naman talaga nag-aral. Hindi pumayag yung tagapagturo ko sa dahilang hindi pa ako marunong tumugtog. Nung pinasalang ako sa keyboard, nalagot ako kasi nakatugtog naman ako. Nakikipaglokohan lang daw ako. :O yung next excuse ko ay hindi ko mapagsabay yung dalawang kamay ko. Next time na lang po. Buti pumayag. :))=D
Pati yung sagradong pag-aaral hinaluan ko na ng kalokohan. Dapat last time ko na iyun na magloloko, kundi baka mablacklist nila ako. Buti na lang hindi sila ganoon kahigpit, at hindi nila ako sinabon.
3. Makakapagpatahi na din ako ng PT uniform. Kaso kapag halfway na ng Physics Summer Class ko. Kapag maganda ang status ko at malaki ang chance na makapasa ako, magpapatahi na ako.
4. Pagdating ng last week of May, doon pa lang ako mag-aaral ng OIAI. Wala pa kasi akong time ngayon. Busy ako.

Tungkol Kay Lalab Ko. :D

Salamat ate Krengtot sa termino. Feel na feel ko siyang gamitin. Haha.

Nakakatuwa yung pagiging in-love ko ngayon. Plain happiness ang nararamdaman ko. Sapat na sa akin yung sumasagi lang siya sa isipan ko para maging masaya ako.

Kung idedescribe ko sya physically, may itsura siya pero hindi sya guwapo (para sa akin, pero madami nagsasabi na gwapo siya). Hindi pang-tenor ang timbre ng boses, pero kung kakantahan niya ako, siya na ang may pinakamagandang boses para sa akin. Pinakapaborito ko sa mukha niya ay yung mga mata niya. Ayun lang.

Saka, first time kong magdrawing na ako in wedding gown, na may kasamang tao, na may mukha. Kamukha niya yung drawing ko kaya hindi ko i-sscan. Sapat na sa akin na nagiingay ako na gusto ko siya, huwag ko nga lang direktang masasabi na siya yung gusto ko. Ayokong ako yung unang harapan na magsasabi na gusto ko siya. Kung para naman siya sa akin, kahit ako ang unang magsasabi, magkakaroon ng paraan na masabi ko yung nararamdaman ko, sa tamang panahon at sa tamang sitwasyon. Kung ngayon ko sasabihin kahiyahiya ako.

Sa ngayon, dalawang tao pa lang ang nakakaalam ng identity niya: ang tatay-tatayan ko at si kuya jorge. Yung next na makakaalam ay si ate tin2x, tapos wala na akong pagsasabihan. Hindi ko pwedeng iinform yung mga pinsan at tita ko, for sure kasi ookrayin lang nila ako. Ayokong maokray.

Ito yung comments. Ay wag na nga lang. Clue yung mga iyun e.

Basta masaya sila sa choice of guy ko. Suportado nila ako. For the meantime alagaan ko lang muna yung feelings ko, at gawin ko siyang inspirasyon ko. At ang pagiging in-love, ito yung pagsubok na sa halip na ikakapressure ko, ay magiging source ng kasiyahan ko kahit mababaw, kagaya ng nararamdaman ko ngayon.

First Day?

Blabbing again.

Nakakabaliw yung first day ng summer class ko, walang professor na pumasok kasi hindi naman daw alam na may klase na pala. Pero at least, wala pang record ng mga binagsak na estudyante yung professor namin - si Sir Mirani. Mas mabuti na siya kumpara sa ibang professor.

Anyway, hindi pa naman ako enrolled. Pumapatay na naman ulit ako ng oras dito sa may computer shop na malapit sa school namin para antayin ang 10AM. Iyun kasi yung oras ng dating ng lead person namin.

Sana hindi na ako bumagsak. Haisst.

Random Thoughts.

Miracles happen. May utang na naman ako sa langit.
===================================================================
Yung random thoughts na gusto kong isulat ay tungkol sa mga naiisip ko tungkol sa pamilya ko, sa buhay estudyante ko, at sa buhay guro-guroan ko.

Napapayuko na lang ako, sa tuwing naririnig ang ibang tao na nagsasabi na nasa lahi na namin ang pagiging matalino. Karamihan sa kanila ay churchmates ko. Active church officers kasi lahat ng mga tito at tita ko kaya kilala sila ng maraming mga tao.

Kulang na lang sabihin ko na para akong sinasampal sa mukha, kasi nilelevel nila ang paraan ko ng pag-iisip sa kanila. Honor students sila, ako? Nevermind.

Mana ako sa tatay ko e, na lahat ng grades natikman na, magmula sa uno hanggang singko. Hindi ako katulad nila na straight A students. Kaya ayoko ng nilelevel ako sa kanila. Nakakahiya, sobra.

Akala nila dahil sa mukha akong matalino kapag nakakausap nila ay matalino talaga ako. Akala lang nila iyun. Hindi ako humble, mababa lang talaga ang self-esteem ko. Hmmm, dun sa mababang self-esteem na part, depende siguro sa kasama ko kung mababa or nagmamataas. Hahaha.
===================================================================
Pasaway ako, kapag sinabi kong wala akong interes, wala akong interes. Kapag sinabi kong ayokong mag-aral, hindi ako nag-aaral.

Pero ngayon nasaan ako.

May isa na akong bagsak, officially. Seasonal ang subject na iyon. Buti na lang inoffer siya ng school for summer class. At ngayon ang unang araw ng klase. Kaso hindi pa ako enrolled. Kasi hindi ako na-inform na may enrolment na kahapon ng 10am. Yung dati ko yatang number ang natext nila. Ito ang hirap kapag nawalan ng cellphone.

Papasok ako, kahit hindi pa ako enrolled. 7am kasi yung start ng class e. Sayang naman kung first day ay aabsent ako. 10am naman yung tapos. 10am pa ako makakapag-enrol kasi yun ang oras ng dating ng CPT lead person namin. Nasa kanya yung PRF ko. Papakiusapan ko na lang yung Physics faculty na i-admit ako.

Estudyante mode, at the same time teacher mode. MWF nasa PLM ako. TTh nasa GDJES naman ako para magturo ng mga summer kinder students.

Siguro may magtatanong, bakit ako yung teacher.

Ako ang naisip kong dahilan kung bakit ako napili, ay para matuto ako, in a way na ako mismo yung nagkakaroon ng karanasan, para matuto naman akong magpahalaga. Mararanasan kong muli kung papaano maging isang guro.

Charity work na ng church (INC) na magkaron ng libreng summer kinder classes taon-taon. Karamihan sa mga estudyante ko ay wala talagang pampa-aral ang mga magulang dahil sa sobrang hirap ng buhay. P1500 kasi ang normal na tuition fee sa mga Day Care Centers.
===================================================================
Ito ang basic rules ko sa loob ng klase ko. Bawal ang magulo, bawal ang maingay, bawal ang makulit, ang kamay at paa sa sarili, at makikinig.

Nakakaaliw pagmasdan yung mga bata, kasi nakikita ko yung sarili ko sa kanila. Mga pasaway, mukhang walang interes na sundin ang teacher. Hahaha.

Bawal ang verbal, lalong lalo na ang physical assault. Kahit ganoon sila kakulit hindi naman sila maaring pagsabihan ng kahit anong masakit na salita kahit na gustong gusto na namin lalo na kung nauubusan na ng pasensya. Counted as child abuse kasi iyon.

Ang gagawin lang namin ay uulit-ulitin yung mga instructions, para ma-train sila na sumunod. Karamihan kasi sa kanila first time pa lang sa kinder, so kailangan matyaga talaga. Makukuha din nilang sumunod, kung ayaw pa din, eh di isumbong sa magulang. Sila na bahala na pagsabihan ang mga bata o pumalo sa kanila para sa amin. XD

Bakit nga ba nagkagusto ako sa iyo?

Sa tingin mo ba, bahagi pa din ng kalooban ng Diyos na magkagusto ka sa isang tao?

Ano ba itong pinagsasasabi ko? Shemay. Haha.

Syempre ang sagot ay oo. Wala naman siyang ibinibigay sa isang tao na hindi niya gustong ibigay. at ito ang mga dahilang naisip ko.

Una, kasi deserve niyang matanggap ang bagay na iyun, as a form of reward dahil sa naging matagumpay siya sa karera niya at panghabambuhay na kasama na lang ang "kulang" sa buhay niya, or ang pangalang dahilan, as a form of PAGSUBOK.

Doon ako sa latter reason. Sigurado akong sinusubok na naman ako, kasi nasa bawal akong sitwasyon. Una, kasi nag-aaral pa lang ako. Kailangan kong sundin ang kagustuhan ng mga magulang ko. Pangalawa, sa oras na matalo ako ng emosyon ko, in one way or another maapektuhan ang trato ko sa karapatan ko - hindi ko masabi kung sa positibo o negatibong paraan, ang alam ko lang ay maapektuhan iyun.
===================================================================
Actually nakahingi na ako ng tanda, pero nung nagkaron ako ng feelings sa iyo, humingi ako ng tandang patungkol sa iyo, pero similar doon sa dati ko ng nahiling.

Sa dinadami ng taong maari kong gustuhin, sa iyo pa ako nagkagusto. Nakakainis nga e. Naiinis ako dahil kung kailan inaasahan kong bakante na dapat ang puso ko, may maninirahan pa pala dito.

Hindi pa ako handa. Hindi pa ako matured. Hindi pa rin stable ang status ako, habang nagaaral ako palamunin pa din ako ng mga magulang ko. At isa pa, babae ako. Napakapanget naman sigurong tignan kung babae unang mag-aapproach diba? At aamin na may gusto siya. Hainako.

Kahit ako ang palay at ikaw ang manok, ako, bilang palay, ay hindi lalapit sa iyo na manok.
===================================================================
Alam mo, masaya ako kapag naiisip kita. Sapat ng dahilan ng kasiyahan ko iyon, kahit hindi tayo.

Hindi ko na ninanais na makilala ka pa lalo kasi baka mahulog lang lalo ang loob ko sa iyo.

Kung sakali man na dumating ang pagkakataon na may pormal ka ng ipapakilala na ninanais mong makasama habang buhay, hindi ako tututol dahil wala akong karapatan. Magiging bahagi na ng buhay ko ang kalungkutan ng pagkawala mo, pero hindi ibig sabihin na idadamay kita sa kalungutan ko. Naniniwala ako, kung sakasakali ay panandalian lang ang kalungkutang iyon.

Iisipin ko na lang, na sa bawat maling taong makikilala ko, mas papalapit ako sa taong itinadhana para sa akin. Pero kung magiging kalooban ng nasa itaas na maging mag-isa ako sa buhay, tatanggapin ko. Ang mahalaga lang naman ay basta mapunta ako sa kung saan man lugar na mananatili akong masaya.

Blogger's Block Again.

BBA?.. Haha.

Sobrang dami ng gusto kong isulat, kasi sobrang dami din ng tumatakbo na mga bagay sa isipan ko.

Kaso nga lang hindi ako nakapagsulat, kasi walang oras magcomputer. Echos!

Ngayong bakasyon, narealize ko na parang nagtatapon lang ako ng oras, wala naman kasing kabuluhan. Nakakawalang gana.
===================================================================
May bago na ulit kaming katulong.
May bago na kaming printer, 3 in 1 pa.
May bago na naman akong mukhang mamahaling relos. Buti na lang si Daddy ang nagbigay, kasi kapag si Mami, kapag nagaway kami, in an instant lahat ng mamahaling gamit na binigay niya sa akin binabawi niya. Hindi naman kasi nambabawi ng gamit niya ang Daddy.

Kaso nawala ung USB kong may virus.
Pati yung cellphone kong music edition 5310.

Nawalan ako ng mga gamit kasi burara ako, EVER SINCE. Madalas akong makaiwan, pero hindi pa ako nananakawan. Pero hindi ko naman nakikita iyon as kawalan. Para nga lang wala lang sa akin iyon na nawalan ako ng mga gamit. Mahalaga sila nung nasa akin pa sila, pero ngayong wala na sila, hindi na sila mahalaga.

Yung cellphone ko, basura na kasi sobrang dami na ng message sa saved items. Hindi ko alam kung papaano ko imamanage. Pagkatapos may trojan virus na din iyon. Saka may basurang pictures din doon. Puro ako in goofy faces.

Yung USB ko, basura na din. Hindi ko na kasi mai-retrieve yung dati kong files doon. Ino-auto hide nung virus yung mga files kong nasa folder. Saka may plano na naman akong palitan iun e, napaaga lang ngayon.
===================================================================
Sobrang ineeeeeeeet ngayong summer. Sobrang dami din ng mga kailangan kong asikasuhin.

Kailangan kasing malinis ang bahay.
Kailangan kong maconfirm kung may summer class sa Physics. Kung hindi magshishift ako ng course.
Tapos kailangan ding maasikaso yung Summer Kindergarten Class stuffs. Magteteacher ulit ako. Umaasa ako na hindi tatama ang schedule ng mga bata sa schedule ko sa school.

Nagbilang ng gagawin? Nyaiks.

Wala sa akin yung pagod. Buti nga may mga gagawin ako. Kahit hindi nasunod yung orihinal na summer plans ko.

At least, magiging makabuluhan ang bakasyon ko.