August 13, 2010

Isang sobrang napakasayang araw. Madami akong natutunang bago ngayon.

At saka espesyal itong araw na ito, kasi finally nakapanumpa na din ako sa CBI. Kalihim ako BTW. ^^

Yung una sa kwento ko. Hindi ako pumasok ng school ngayon, pero naka-uniform ako umattend ng pulong. Gusto ko kasi na kapag nanumpa ako, naka-uniform ako.

Yung bar pin ko ay confiscated nung Huwebes ng hapon ng University Clinic. May sore eyes kasi ako. Bale ngayong Biyernes hindi na namumula yung mata ko pero nagmumuta pa ito. Sabi nila nakakahawa pa daw. Kaya ayun, pinalayas ako sa school, at binantaan na tatagalan yung 7 days na hindi ako maaring pumasok. Sore eyes lang ito ano ba? T_T

Bukas Sabado hindi na ako papasok. Baka kasi kapag nagpakita ako sa school isumpa ako ng mga doctor sa University Clinic dahil sa kakulitan ko.

Nakakainis yung ganito, yung pinaranas sa iyo na hindi ka maaring pumasok kahit kaya ng katawan mo. Nananabik ako sa school.

Nangangako ako na hindi na ako tatamarin kahit kailan, and I mean it.

Sa gintuan namin ako nagpalipas ng oras. Wala na kasi akong mahanapan na ibang mapagtambayan e. Kaya ayun nandun ako. Hbang nagpapalipas ako ng oras kinikilala ko na ng mainam si Magee. Inuunawa ko na syang lubusan, susunod ako sa kasunduang mag-aaral na akong mabuti para ipasa niya ako.

Pagtapos sa gintuan namin, dumiretso ako sa NBS Soler. Bumili ako ng libro, "How To Make Your Husband Happy". Baliw na kung baliw, oo na kasi wala naman akong asawa. Kasi may ugali ang mga lalaki na hindi ko maintindihan na gusto kong intindihin kaya binili ko iyon. At isa pa, kasi lalaki ang nagsulat nun, man's POV ika nga.

Naglakad ako papuntang lokal ng Quiapo kung saan ako manunumpa. Sa daanan huminto ako sa may Mini Stop doon upang bumili ng tubig at pandesal. Tapos dinaanan ko din yung Manuel L. Quezon University, sabay sambit sa sarili ko na balang araw makakapasok ako sa paaralang iyan, dahil magtetake ako ng PT Board Exam.

Ang dahilan kung bakit gusto kong manumpa ng tungkulin na naka-uniform ako, kasi nag-iipon ako ng mga dahilan para mas lalo ko pang pahalagahan ang pag-aaral ko. Sobrang hirap ng course ko sobra. Tapos ang hirap pang makasagap ng motivation lalo na kung hinihigop ng kawalan ang initiative mong mag-aral.

6PM ako nakarating ng Lokal ng Quiapo. Binati ko yung unang taong nakilala ko, si kuya Reino. Taga Mapua siya, engineering. Sabay sambit na shocks ang gwapo niya. Ayun may bago akong crush. Haha. Taga-Rizal siya, taga-Rizal din si Ate Kreng, maaari akong ilakad ni Ate Kreng sa kanya, tutal malakas naman ako kay Ate Kreng. Haha.

Biro lang. Hindi ko gagawin yun. Nag-iipon ako ng confession reasons sa isang special na tao sa buhay ko, he's worth the effort naman e (Kung magkakaroon at ibibigay sa akin ang TAMANG pagkakataon, who knows?). Saka gusto ko siya e. I'm not the type of girl he would reject, he already knows that i'm a good girl, besides alam ko na "in search" siya. Wahehe.

Si Kuya Reino nga pala kaka-approve lang ng friend request ko sa FB. Ayieee. May love interest siya kaya bawal ako. Haha. Mag move on na daw ako.

Moving on na nga. Ayun si Elaine kulit ang naging kakwentuhan ko. Ano nga ba yung pinagkwentuhan namin? Haha.

Punta na tayo sa pulong. Shocking yung simula ng pulong. Sinimulan nila ng mga pampadurog-puso tapos tinapos nila ng inspirational stuffs. Kunsabagay yung durugang puso idea, hindi ko naman talaga original idea. Hiniram ko lang yun, tapos ginawan ko ng appropriate term at sariling concept. Effective kasi e. Pero hindi yata effective sa ex ko na ginamitan ko nun, haha. Ayun o siningit ko siya. Haha tatanggalin na kita sa usapan. >:D

More on sa prophecy, love sa studies, sa parents, and most especially sa tungkulin ang mga tinalakay. Complete devotion at surrender on God's will ang kailangan. Magagawa ko iyun. Nangako ako at tutuparin ko iyon.

Pagkatapos ng pulong, may isa pa akong bukod na pulong na pinuntahan, yung sa mga medical allied courses. Sikreto kung ano pinag-usapan namin. Sa amin na lang yun.

Nanlibre nga pala ng pagkain si Kuya Lendle. Hindi ako nabiyayaan ng rasyon kaya yung rasyon ni Daryll ang kinuha ko. 1st year siya, 3rd year naman ako. Pagdating talaga sa pagkain, lalo na kung pinag-aagawan, masiba talaga ako. Haha. Takaw tingin kasi e.

Ang PLM nga pala, Top1 at Top 3 (na-relate sa Friday the 13th). Galing no?

Nung uwian na, kinwento ko kay kuya Nic yung blueprint ng lokal namin, at sobrang amazed sya. Natuwa ako sa kanya kasi sobrang interesado siya sa topic namin. Arki kasi siya e.

Andami ko ng nakwento. Halos 30minutes na akong nagsusulat. yung iba sa personal ko na lang ikkwento. yun lang

Matutulog na ako. Ipapahinga ko na ang aking mga mata. Sana sa Lunes, sa Midterms namin, ay okay na ito.